Нено Димитријевиќ претрпе уште еден пораз со екипата на Олимпија Милано во тековната сезона од Евролигата. Вечерва италијанскиот тим загуби дома од екипата на Анадиолу Ефес со 84:96 и го запиша четвртиот пораз во петтиот меч сезонава. Нено одигра нешто повеќе од 13 минути за италијанскиот тим, имаше два неуспешни шута за три поени и само една асистенција.
Кошаркарите на Париз во француското дерби со Монако дојдоа до првиот гостински триумф во Евролигата, а фантастична партија во составот на гостите имаше македонскиот репрезентативец Ти-Џеј Шортс, кој средбата ја заврши со „дабл-дабл“.
Париз славеше со 87:80, а Шортс постигна 28 поени и имаше 10 асистенции и 4 скока.
Жалгирис е нов лидер, откако со 78:63 го победи Макаби ТА и ја оствари четвртата победа. Басконија без проблеми славеше дома против Алба со 80:57.
