Менаџерот на Манчестер Јунајтед, Ерик тен Хаг имаше измешани чувства по ремито 1-1 со Фенербахче. Според него, овој бод и не е толку лош резултат, но од друга страна, тој претпочита неговиот тим да победи, особено со оглед на тоа што тој прв го отвори резултатот.
„Одигравме две тешки гостувања. Секако, кога сте во водство, не можете да дозволите мечот да оди на реми. Имавме шанси за втор гол. Разочаран сум што не победивме. На Олд Трафорд мораме да ги добиваме нашите мечеви.
Фенербахче е добар тим со одлични навивачи и многу добри играчи. Беше добар натпревар. Требаше подобро да ја чуваме топката во првото полувреме. Требаше да постигнеме повеќе голови, но да бидам искрен и тие имаа добри шанси. Ни создадоа многу проблеми. Тие се добар тим со одличен тренер“, рече Тен Хаг за кого ова беше трет меч во Лига Европа без победа.
