Кошаркарите на Лос Анџелес Лејкерс стигнаа до втората победа во вториот сезонски натпревар во НБА, по чудесен пресврт пред своите навивачиго совладаа Феникс Санс. Во втората четвртина Лејкерси имаа негатива од 22 поени, а натпреварот го добија во своја полза со резултат 123:116.
Санс одлично го отворија дуелот и стрелаа со 15/22 за да стигнат до 15 поени предност во првата четвртина, а на почетокот на втората зголемија на 48:26. Нешто подоцна почна пресврт кој ќе резултира со убедлива победа на домашните. До полувремето Лејкерси ја намалија предноста на Санс на едноцифрен број поени, а на почетокот на третата четвртина накратко поведоа.
Следуваше серија на гости за нова предност, но од последните минути од третата четвртина до крајот на натпреварот Лејкерси ја презедоа контролата и ја зголемија разликата која во еден момент изнесуваше 12 поени. Во последната минута од натпреварот беа 121:111.
Ентони Дејвис со 35 поени и осум скока, Остин Ривс со 26 поени и осум асистенции и Леброн Џејмс со 21 поен и осум асистенции беа најдобри во пресвртот на Лејкерси. За Санс Кевин Дурент постигна 30, а Девин Букер додаде 23 поени.
Во последниот натпревар Дејвис постигна 36 и имаше 16 скока, а сега повторно отиде преку 30 поени. Така тој стана првиот играч на Лејкерс од 2005 година кој постигнал 30 или повеќе постигнати поени во првите два натпревари од сезоната. Последен пред него што го направи тоа беше Коби Брајант. Исто така, Лејкерси ја немаат започнато сезоната со рекорд од 2:0 од сезоната 2010/11.
Резултати: Орландо – Бруклин 116-101, Торонто – Филаделфија 1115-107, Атланта – Шарлот 125-120, Кливленд – Детроит 113-101, Њујорк – Индијана 123-98, Хјустон – Мемфис 128-108, Милвоки – Чикаго 122-133, Јута – Голден Стејт 86-127, ЛА Лејкерс – Феникс 123-116, Портланд – Њу Орлеанс 103-105.
