Далас го загуби дербито со Феникс синоќа, иако Лука Дончиќ постигна 40 поени. Ни тие не беа доволни за Маверикс да ја остварат втората сезонска победа. Домашните кошаркари на крајот сосема заслужено славеа со 114:102. Кајри Ирвинг постигна 22 поени, а Клеј Томпсон застана на 19 поени.
Феникс победи благодарение на одлично расположениот Кевин Дурент. Тој постигна 31 поен, 9 скока и две асистенции. Девин Букер придонесе со 21 поен за Санс.
Кошаркарите на Денвер Нагетс загубија од Лос Анџелес Клиперс со 109:104 во вториот натпревар од новата сезона. Никола Јокиќ постигна 41 поен, реализираше седум тројки, што е негов нов рекорд во кариерата по бројот на шутеви надвор од линијата 7,24, но Нагетс не можеа да го скршат отпорот на Клиперс и на крајот загубија во неизвесен финиш.
На крајот трагичар беше Јокиќ кој промаши едно од двете слободни фрлања за да израмни на 20 секунди до крајот, а потоа не успеа да погоди тројка за продолжение во последните секунди од натпреварот.
Мареј постигна 22 поени, додека остатокот од тимот на Денвер комплетно потфрли. Кај Клиперси Пауел се истакна со 37 поени, Харден имаше 23 и 16 асистенции, додека Зубац забележа 24 поени и 15 скока.
НБА СИНОЌА:
Денвер – ЛА Клиперс 104:109
Шарлот – Мајами 106:114
Детроит – Бостон 118:124
Вашингтон – Кливленд 116:135
Чикаго – Оклахома 95:114
Мемфис – Орландо 124:111
Сан Антонио – Хјустон 109:106
Феникс – Далас 114:102
ЛА Лејкерс – Сакраменто 131:127
