Јарослава Махучих и Арманд Дуплантис беа крунисани за европски атлетичари на годината 2024 година на вечерта на доделувањето на „Голден Тракс“ во Скопје, која се одржа вчера во Македонската опера и балет.
Махучих и Дуплантис освоија европски и олимписки титули и поставија светски рекорди на нивните соодветни настани во 2024 година. Овогодинешните победници во категоријата „Ѕвездата во подем“ наменети за најдобрите млади атлетичари, се српската сребрена медалистка во фрлање копје Адријана Вилагос и шестопласираниот на ЛОИ во Париз на 1500 метри, Нилс Ларос од Холандија.
На изборот „Голден Тракс“ специјална награда наречена „Тимски дух“ доби и италијанскиот национален тим кој настапи на ЕП во Рим, а за најдобри тренери наградите ги понесоа Драгутин Топиќ од Србија и неговиот сонародник Дерди Вилагос.
Првата од годишните награди на европските атлетски федерации членки им беше доделена на Тони Лазаров од Македонија и Кристина Шабадкаине Ваго од Унгарија.
