Иако многумина очекуваа „Златната топка“ да ја освои фудбалерот на Реал Мадрид, Винисиус Жуниор, тоа не се случи.
На крајот, наградата која ја доделува Франс Фудбал ја освои играчот од средниот ред на Манчестер Сити и репрезентативец на Шпанија, Родри.
Тој одигра одлична сезона, за клубот настапи 50 пати, а постигна девет гола со 14 асистенции, го предводеше тимот до титули во Премиер-лигата, Суперкупот на УЕФА и Светското клупско првенство на ФИФА.
По сето тоа следуваше Европското првенство во Германија каде Родри го крена пехарот со селекцијата на Шпанија.
И Манчестер Сити е презадоволен што нивниот играч ја освои оваа престижна награда, а тоа го покажуваат и објавите на социјалните мрежи.
„Најдобриот во светот!
The best in the world ✨#ballondor pic.twitter.com/eBFxJbaCJP
— Manchester City (@ManCity) October 28, 2024
„Број еден“.
Number one.#ballondor pic.twitter.com/kB3uDyC6sG
— Manchester City (@ManCity) October 28, 2024
Со оглед на тоа дека многу повеќе се пишува за тоа како Винисиус не ја освоил наградата, отколку за победата на Родри, се чини дека Манчестер Сити решил да го буцне својот ривал од Шпанија.
„Можеме ли да зборуваме за Родри?“, пишува во една објава на „граѓаните“.
Can we talk about Rodri? 🩵
— Manchester City (@ManCity) October 28, 2024
На ова да додадеме дека ниту еден од 50-те повикани од Реал Мадрид не пристигна на доделувањето на „Златната топка“. Очигледно беа навредени што Винисиус не го освои трофејот.
Бурата за ова ќе згасне многу брзо. Сезоната е во полн ек и на играчите, особено на Винисиус, останува повторно да се борат за освојување на овој трофеј во октомври следната година.
