Утре на Арената “Тодор Проески“ во Скопје со почеток од 13 часот, во рамките на 12.коло во ПМФЛ, Вардар ја дочекува Брера. Секако дека, со оглед на тоа каде се наоѓаат и двете екипи, бодовите и тоа како им се потребни на двете екипи.
Вардар во недела со Работнички покажа храбра игра, во одбраната беше одличен и дојде до бод, но сега мора да се оди на победа.
Свој коментар за утрешниот меч со струмичани има стратегот на нашиот најтрофеен клуб, Срѓан Зхариевски:
„Тежок меч и за нас и за гостите. Сосема е јасно дека го респектираме противнокот, но одиме по трите бода. Вардар мора да биде вистинскиот ако сака победа, а сака во секој случај. Исклучително е важен овој натпревар за нас, верувам и очекувам дека ќе се даде максимумот од наша страна и со добра игра ќе се дојде до целта, а таа е победа и три бода“ изјави Захариевски.
