Тренерот на Рома, Иван Јуриќ, инсистираше на тоа дека не е уплашен од гласините дека наскоро би можел да добие отказ. Тој не сака да биде со мислите далеку од следните активности на Рома, а сега следува дуел со неговиот поранешен тим Торино.
Јуриќ не негира дека изминативе денови имало конфронтации во соблекувалната. „Не размислувам дали ќе добијам отказ. Си ја работам работата и што и да се случи, тоа е тоа“, изјави Јуриќ за медиумите на прес-конференцијата.
„Треба да постигнеме што е можно подобри резултати, треба да се убедиме и да разјасниме што треба да се направи“, вели хрватскиот стручњак.
