Откако не ја доби Златната топка, а според него и повеќето играчи на Реал Мадрид ја заслужил, Винисиус Жуниор беше топ – тема во изминатата недела.
Денеска е повторно на насловните страници, но поради ПСЖ. Имено Бразилецот е трансферна цел, и тоа по секоја цена, на гигантот од Париз кој и тоа како не ја заборавил епизодта наречена – Килијан Мбапе.
Имено медиумите во Франција и Шпанија пренесуваат дека апсолутна трансферна цел бр.1 за ПСЖ е Вини и никој друг.
Пргавиот напаѓач на Реал е посакуван и од Челзи, Манчестер Јунајтед и секако С. Арабија, но ПСЖ спрема тешки милиони да го доведе на “Паркот на принцовите“.
Се разбира дека Катарците со ова сакаат да му се одмаздат на Дон Флорентино Перез.
Проблем е само тоа што Вини во неколку наврати истакнувал дека за него постои само еден клуб и тоа е Реал Мадрид, но и тоа дека “кралевите“ уште отсега имаат намера да му понудат нов договор ако се знае дека постоечкиот е со важност до 2027 година.
Сепак…
Најново е тоа што попладнево од Островот доаѓа информација дека Бразилецот имал разговори со претставниците на Ал Хилал, еден од најбогатите клубови во С. Арабија и му било понудено четиригодишен договор со баснословна плата.
