За прв пат во својата историја, тимот на Чаир 2030 го совлада својот градски и досега неприкосновен ривал, тимот на МЗТ Скопје. По голема, огромна битка, за која што беа потребни и дополнителни пет минути, Чаирчани беа подобри за поен разлика и со конечни 95:94, направи вистинска сензација во домашниот шампионат.
Целиот меч мина во резултатска неизвесност, на дел од него, домаќинот имаше и осум плус но МЗТ Скопје се врати. Сепак, гостите имаа лош ден пред се во напад, но и во одбрана, па имаа среќа што не загубија и во регуларниот дел, кога Какруки промаши решавачки „пенал“, на две секунди до крајот.
Сепак, во дополнителните пет минити домаќинот посконцентриран,а решавачкиот поен го постигна Диванте Мофит кој воедно е и најдобар поединец на овој меч со 31 коша.
Најефикасни кај МЗТ Скопје беа Крстевски со 21 и Слај со 18 поени, додека во таборот на Чаир 2030 уште се истакна и Кели со 24 поени.
