Ракометарите на Е. Пелистер синоќа ја остварија првата победа оваа сезона во ЛШ и тоа на гости кај Фредериција, а предводникот од клупата, Звонко Шундовски, вели дека нема да запрат на само еден триумф во тековната европска сезона.
„Честитки до мојот тим за победата. Одигравме одлично, победивме квалитетна екипа. Ова не беше натпревар без грешки, особено ги имавме во првото полувреме, ама во тој период трипати се вративме од негатива од три гола. Во продолжението одигравме како тим, честитки уште еднаш до момците. Верувам дека овде нема да застанеме. Работевме напорно за да стигнеме до овој резултат. Ова беше важна победа за нас, историска во ЛШ“, вели популарниот Шундо.
Следниот меч на битолчани во ЛШ е на 20 ноември на домашен терен исто така со Фредериција, кога ќе се обидат да ја остварат и втората победа.
