Македонскиот репрезентативец Бојан Миовски денеска беше стартер за својата Џирона во победата од 4:3 над Леганес во Ла Лига, но на теренот остана до 62. минута, кога при резултат 2:2 врз него беше направен прекршок во противничкиот шеснаесетник и беше досуден пенал за домашните.
Миовски веднаш ја напушти играта, откако се пожали на повреда. Според информациите кои стигнаа вечерва, нашиот напаѓач се здобил со истегнување на скочниот зглоб и засега е неизвесно за колку сериозна повреда станува збор. Според шпанските медиуми тој ќе оди на дополнителни прегледи за да се дознае степенот на повредата.
