Тоа е фудбалот. Наместо 0:2 или 0:3 за Вардар според шансите, победата во вечното дерби, во “Дербито на Македонија“ за Пелистер со 1:0 и тоа со голот на Мирко Ивановски во 90+2.минута.
Битола е во еуфорија. Во спектакуларна атмосфера, пред околу 6.000 – 7.000 гледалчи, за првпат под светлоста на рефлекторите во историјата на Битола, вечерва на стадионот “Петар Милошевски“, домашните со многу среќа дојдоа до победата над вечниот ривал.
И уште еднаш, спектакл под “Тумбе Кафе“ каков одамна сме немале видено во фудбалска Македонија на клупски план. Спектакл за паметење, навивачка “војна“ меѓу „Чкембари“ и “Комити“ и на крај победа на Пелистер.
Вечерва во Битола нема спиење…
