Дерби дуелот на 4. коло од домашниот шампионат кај дамите заврши во драматична завршница со пет сета и меч со неколку пресврти. Одбојкарките на Наковски Волеј и Јанта Волеј понудија одлична одбојка, која донесе узвонредно интересен прв сет кој им припадна на гостинките на разлика, по што во вториот сет скопјанки славеа со 25:19 за предност и од 2:0.
Наковски Волеј се врати во следните два сета и успеа мечот да го донесе во тај-брејк, кој на крајот на една топка им припадна на гостинките.
Дуел во пет сета се играше и во Кичево, каде новајлијата во елитата беше на чекор до победа, но Фит Фан Волеј го обезбеди вториот триумф добивајќи го петтиот сет на мечот.
Интересно беше и во Скопје на мечот меѓу Вардар ЕМ и Работнички, каде домашните одбојкарки успеаја да освојат сет против шампионот. Голема победа во ова коло остварија и штипјанки, кои на домашен терен со максимални 3:0 беа подобри од минатогодишните вицешампионки, Струмица.
ПРВА ЛИГА – ЖЕНИ / 4. КОЛО
УСКАНА ВОЛЕЈ – ФИТ ФАН ВОЛЕЈ 2:3 (23:25, 25:23, 25:17, 16:25, 13:15)
ВАРДАР ЕМ – РАБОТНИЧКИ СКОПЈЕ 1:3 (25ч19, 12:25, 18:25, 14:25)
МЛАДОСТ УГД – СТРУМИЦА 3:0 (25:20, 25:22, 25:12)
НАКОВСКИ ВОЛЕЈ – ЈАНТА ВОЛЕЈ – КВ 2:3 (24:26, 19:25, 25:21, 25:22, 13:15)
TАБЕЛА: 1. Работнички (12), 2. Јанта волеј (11), 3. Наковски Волеј (10), 4. Фит Фан Волеј (5), 5. Младост УГД (3), 6. Струмица (3), 7. Вардар ЕМ (2), 8. Ускана Волеј (2).
