Кошаркарите на Далас Маверикс ја постигнаа четвртата победа во новата сезона во НБА, откако го совладаа Орландо Меџик со 108:85. Тимот на Лука Дончиќ со добра игра кон крајот на првата четвртина, па се до одморот успеа да дојде до овој триумф. Од 17:20 стигнаа до 60:31.
Словенецот во првото полувреме постигна 25 поени, а до крајот на натпреварот за нешто повеќе од 31 одиграна минута имаше 32 поени, девет скока и седум асистенции. Гафорд додаде 18 поени со осум скока, а Кајри Ирвинг постигна 17 поени. На другата страна Вагнер со 13 поени, шест скока и шест асистенции.
Детроит Пистонс ја забележаа втората победа сезонава откако го совладаа Бруклин Нетс со 106:92. Секој играч од првата петорка на Детроит постигна двоцифрен број поени, додека Бисли додаде 18 од клупата за резерви. Најдобар играч на Бруклин беше Камерон Џонсон со 26 поени.
Атланта хокс одигра одлично второ полувреме, направи +17 во однос на противникот, а на гостински терен го победи Њу Орлеанс Пеликанс со 126:111. Одлична партија кај Атланта имаше Џејлен Џонсон, кој постигна 29 поени и имаше осум асистенции и девет скока. Треј Јанг постигна 23 поени и 12 асистенции.
