Поради стартот на подготовките за мечевите во Лигата на Нации на нашата најдобра репрезентација, како што и беше планирано, натпреварите од 14.коло се играат в сабота (09.11.2024) наместо во неделниот термин, вообичаен за ПМФЛ.
Почетокот на мечевите во сабота е закажан за во 13 часот а се среќаваат Тиквеш – Беса, Струга ТЛ – Работнички, Шкендија – Брера, Силекс – Пелистер, Вардар – Шкупи и Гостивар – Воска Спорт.
Од друга страна натпреварите од 12.коло во ВМФЛ наместо во сабота ќе се играат во недела (10.11.2024) исто со почеток од 13 часот.
Двојките за ова коло се Вардар (Н) – Саса, Вардарски – Новаци, Осогово – Победа, Скопје – Башкими, Кожув – Охрид, Детонит – Беласица, Брегалница – Арсими, Борец – Македонија ЃП.
