Откако деновиве во фокусот на европската кошарка беше името на Џонатан Мотли и неговото исчезнување од екипата на Хапоел Тел Авив, денеска стигнаа информации за неговата моментална локација.
За израелскиот тв-канал „Спорт 5“, адвокатот на „бегалецот“ потврди дека Мотли во моментов се наоѓа во САД во градот Хјустон. Според информациите, Мотли бара раскин на договорот со израелскиот тим, за да може да се пресели во друг клуб.
Мотли во Хјустон ќе ја чека конечната разврска на ситуацијата со Хапоел и одлуката на ФИБА, која ќе треба да го донесе конечниот суд по прашањето за прекин на соработката.
