Македонската фудбалска репрезентација пред себе има уште два меча за комплетирање на тековната Лига на Нации. Домашните дуели против Летонија на 14 односно на 17 против Фарски Острови на Арената Тодор Проески во Скопје.
По тој повод селекторот Благоја Милевски предмалку го објави списокот на репрезентативци на кои ќе смета за овој дуел, а на него новитет се Бехар Фета, бекот кој досега ја обавуваше својата репрезентативна обврска во У21 селекцијата како и Марко Алчевски. Сефер Емини е повратник во тимот на Милевски по одличните игри во данскиот Сондерјиске.
Секогаш одиме на победа
„Им посакувам добредојде на Фета и Алчевски. Се надевам дека ќе се наметнат со квалитет и потенцијал. Тие плус Марио Илиевски се оние кои беа дел од У21 тимот, а се овдека. Тихомир Костадинов не е со нас поради повреда на ложата, Висар Муслиу и Трапановски се на списокот но сеуште се неизвесни. По викендот дефинитивно ќе знаеме дефинитивно на кого ќе сметаме. Главната цел секако е да се остане на прво место, и секако она што овие два меча би донеле позитивно. Примарна цел е да сме први онаму каде што се сега, на првото место. – ја отвори прес конференцијата селекторот Милевски.
„Секој бод и гол е важен во оваа конкуренција. Никогаш не правиме калкулации. На секој меч се оди на победа. Да се сведат на минимум грешките. Очекувам потежок меч од оној во Рига. – изјави селекторот Милевски при претставувањето на составот, а и во однос на новитетите.
Фета има потенцијал да биде дел од оваа селекција, го гледам како десен бек
„Што се однесува до новитетите, ние во од ги бараме решенијата за поедини позиции. Фета со игрите во клуб, но и репрезентација се наметна како опција. Истото важи и за останатите играчи од таа генерација. Во моментов овие играчи ни се потребни, што не значи дека и останатите не конкурираат, напротив. Ги следиме сите. Марио Илиевски не е повикан поради моја одлука. Не се работи за повреда – рече селекторот.
