Женската сениорска кошаркарска репрезентација на Македонија го забележа третиот пораз во квалификациите за Евробаскетот 2025, откако вечерва загуби на домашен терен, убедливо од селекцијата на Украина со 49:98
Украинките одиграа доминантен меч и во ниту еден дел не дозволија да се случи нешто неочекувано. До половина од вториот период Украина веќе имаше предност од 34:17. Ние не успевавме да ја пробиеме високата, и пред се, цврста одбрана на украинската селекција во тоа прво полувреме во кое Украина се одвои и на 49:21, а потоа и 52:23.
Украинките немаа намера да попуштат во одбраната, а во третиот период растеше нивната предност. Во последните 10 минути се обидовме да фатиме некаков приклучок и да ја намалиме разликата за конечни 49:98. Митрашиновиќ имаше 17 поени, Хемпе заврши со 16 поени, а Стојановска помогна со шест. Во недела, на истото место, во СРЦ „Кале“, во истиот термин, 18 часот, играме против репрезентацијата на Португалија.
