На денешниот утрински тренинг, на тимот на Милан, шпанскиот интернационалец Алваро Мората претрпел сериозен удар во главата по што итно бил хоспитализиран.
Вендаш му се направени детални прегледи, односно магнетна резонанца, која што за среќа не покажала посериозни повреди, но сепак, тој е задржан во болница. Секако од претпазливост затоа што често се случува повредите на глава да имаат задоцнети сиптоми.
Италијанскиот печат пренесува дека Мората страдал во дуелот со Страхиња Павловиќ и дека тој нема да биде дел од викенд дуелот против Каљари.
Мората во Милан дојде летово, а постигна гол во фантастичната победа на тимот среде Мадрид во дуелот со Реал неделава.
