Попладнево во Штип ќе се одигра дербито на есенскиот дел од сезоната во домашното одбојкарско првенство во машка конкуренција. Дуелот на актуелниот шампион Струмица и освојувачот на купот, Штип УГД ќе биде и пресуден за изгледот на врвот на табелата во првата половина од натпреварувачката сезона.
Штипјани ќе се обидат да ја искористат предноста на домашниот терен и да се обидат да го изненадат фаворитот, кој и минатата сезона имаше доста проблеми на овој жежок терен. Средбата почнува во 18 часот и ќе се одигра пред полни трибини на салата „Јордан Мијалков“ во Штип.
Кај дамите во рамките на 5. коло дербито е исто така од 18 часот, но овој пат во Скопје. Шампионот и лидер на табелата, Работнички, ја пречекува екипата на Наковски Волеј која ќе се обиде да и го нанесе првиот пораз на домашната екипа.
ПРВА ЛИГА – МАЖИ – 5. КОЛО
17.30 Сушево – Шкендија
18.00 Штип УГД – Струмица
18.00 Весна Пробиштип – Јанта Волеј
18.00 ГОК Борец – Лирија
18.00 Скопје – Работнички 71&22
19.30 Македонија Џио – Универзитет во Тетово
Слободен е Вардар.
ПРВА ЛИГА – ЖЕНИ / 5. КОЛО
14.00 Фит Фан Волеј – Младост УГД
14.30 Ускана – Јанта Волеј
18.00 Работнички – Наковски Волеј
18.00 Струмица – Вардар ЕМ
