Екипата на Динамо Загреб попладнево не успеа на гостувањето кај Горица да оствари победа, напротив се спасуваше на два пати од негатива, па момците на тренерот Бјелица треба и да се среќни со конечните 2:2. Нашите Стефан Ристовски и Аријан Адеми беа стартери и одиграа солиден меч во кој домаќинот беше премногу мотивиран за да загуби.
Од друга страна пак, во Сплит, лидерот на табелата во ХНЛ, тимот на Хајдук не успеа да го искористи горенаведениот кикс, па одигра пред полниот Пољуд само 1:1, против тимот на Истра. Слично како и Динамо, и Хајдук се враќаше од негатива, и не успеа да поведе во ниту еден момент на овој меч. Александар Трајковски ги одигра последните дваесет минути на овој меч.
Хајдук сега има 28 бода и е лидер, додека Динамо е на делба на второто место со 24. Ријека својот меч го игра утре против Осијек.
