Голем, огромен проблем за тимот на Реал Мадрид. Денеска серијата на порази беше прекината со победата над Осасуна до 4:0, во рамките од новото коло во Примера, но триумфот останува во сенка на повредата на Едер Милитао. Тој ги скина лигаментите на коленото и за него сезоната е завршена.
Најцрните сценарија околу повредата на Милитао се остварија, а ситуацијата уште од првиот момент се виде дека е екстремно сериозна.
Ова е втора тешка повреда за овој играч откако и минатата сезона речиси цела ја пропушти поради кинење на лигаментите на левото колено.
Повреди на натпреварот против Осасуна заработија и Родриго и Васкез, па Реал како клуб дополнително ќе објави соопштение за нив во текот на вечерта, или најдоцна утре.
Parte médico de Militão. #RealMadrid
— Real Madrid C.F. (@realmadrid) November 9, 2024
