Фудбалерите на Реал Сосиедад ја совладаа Барселона со 1:0 во последниот натпревар од 13-тото коло во Ла Лига. Екипата од Баскија направи големо изненадување и ја совлада една од најдобрите екипи на светот сезонава.
Единствениот погодок на мечот го постигна Шералдо Бекер во 33-тата минута. Во текот на целиот натпревар каталонскиот тим притискаше и редеше шанси, но момците предводени од Ханси Флик не можеа да го пронајдат патот до мрежата на домаќинот.
Со оваа победа Барселона остана на првата позиција со 33 бода, а Реал Сосиедад се наоѓа на 8-мото место со 18 бода.
