Во рок од три дена нашата женска сениорска репрезентација ќе има уште една шанса да стигне до она што го бара низ оваа квалификациска трка за пласман на Евробаскетот 2025 година, да дојде до победа во групата „Г“, како награда за вложениот труд во изминатиот период.
Засега, зад тимот на селекторот Александар Ашаданов се три неуспешни игри, последната дојде на домашен терен во СРЦ „Кале“ каде доста подобра од нашата беше селекцијата на Украина.
Селекторото Ашаданов беше и остана убеден дека тоа дефинитивно не е најдоброто од неговите избранички, и дека тоа ќе мора да го „поправат“ во она што следува.
А тоа е вечерашниот дуел ротив репрезентацијата на Португалија, која исто така не може да се пофали со некоја добра игра пресентирана на гостувањето во Белград, каде загубија убедливо од топ-фаворитот во оваа конкуренција, селекцијата на Србија.
Мечот е закажан за 18.часот во салата на СРЦ „Кале “ во Скопје. Тоа ќе биде и последното наше „домаќинство“ особено ако се земе во предвид дека во февруарски ФИБА „прозорец“ нашите девојки ги очекуваат две гостувања, во Србија и во Украина (најверојатно таа средба ќе се игра во главниот град на Летонија, Рига каде Украинките се во улога на домаќини).
