Некогашниот француски репрезентативец и ѕвезда на лоднонски Арсенал, Роберт Пирес смета дека нема никаков конфликт меѓу Килијан Мбапе и Дидие Дешамп. Мбапе не беше повикан во селекцијата на Франција за натпреварите против Израел и Италија во Лигата на нации овој ноември, а не беше со национаниот тим нуту на октомвриските натпревари.
„Нема конфликт меѓу Мбапе и Дешамп. Едноставно, Мбапе не го покажува своето вообичаено ниво на игра, а Дешамп му кажал по телефон дека нема да го повика во репрезентацијата. Мбапе е многу важен играч за француската репрезентација и, од моја гледна точка, одморањето во моментов не е проблем, не е криза“, изјави поранешниот фудбалер на Арсенал, кој сега работи како тв-аналитичар.
