Легендарниот тренер на Сан Антонио Спарс, Грег Попович имал „благ мозочен удар“ на 2 ноември, потврди НБА франшизата.
Попович е на кормилото на Спарс од 1996 година, а во претходниот период не го водеше тимот поради „здравствен проблем“.
Реномираниот стратег има 75 години, а на Сан Антонио му донесе пет НБА титули. Три пати беше прогласуван за тренер на годината и официјално е еден од 15-те најдобри тренери во историјата на НБА.
