Во претпоследниот дуел од Лигата на Нациите Македонија на Арената Тодор Проески во моментов спарингува со селекцијата на Летонија. Пред полупразните трибини, Македонија реално имаше повеќе посед но не и фудбалска инспирација, енергија или пак капацитет повеќе од противникот.
Напротив, Летонија беше таа која што прва сериозно се закани, откако Јурковскис погоди само во надворешниот дел од мрежата.
На спротивната страна, неколкуте ситуации на Македонија најпрво завршија со офсајд, за да во последните моменти од полувремето, Исник Алими ја има зицер ситуацијата за нас. Сепак, Матревитс, голманот на Летонија одлично реагираше и не дозволи наше водство.
