Македонската фудбалска репрезентација до 21 година пред малку на комплексот „Петар Милошевски“ во Скопје загуби со конечни 1-3 во првиот од двата контролни мечеви против репрезентацијата на Косово.
Во игра која што ни малку не ветува новата генерација 2004/2005 беше надиграна во поголемиот дел од мечот. Иако поведовме со голот на Величковски, Косово не само што израмни пред полувреме, туку во вториот дел целосно издоминира и заслужено победи.
На паузата Македонија направи многу измени и вториот дел играше со речиси нов состав, но и не помогна да за извлечеме поволен резултат. Поголемиот дел од „странците“ во нашиот состав добија шанса, но според самиот резултат се чини ретко кој ја искористи.
Останува да се поправиме за вториот меч, кој се игра за 17 ноември, исто на комплексот „Петар Милошевски“.
