Ненад Димитријевиќ нема да биде во можност да му помогне на националниот тим во првиот дуел против Литванија кој се игра на 21. ноември затоа што има клупски оврски односно има настап во Евролигата.
„На првиот меч нема да можам да настапам затоа што се среќаваме со Макаби во Евролигата и нема да можам да стигнам.Се надевам дека ќе стигнам на вториот дуел три дена подоцна. Верувам дека ќе бидеме сеуште во игра, затоа што таа победа ни е многу важна. Би сакал да ги задржиме шансите за настап на Европското првенство“ – изјави Димитријевиќ за Спортклуб. Со истиот проблем како и Димитријевиќ се соочува и Ти Џеј Шортс кој исто така има обврски во Евролигата тој ден.
Вториот меч против Литванија го играме на 24 ноември во градот Клаипеда. Македонија досега во овие квалификации има една победа и еден пораз.
