Репрезентацијата на Шпанија синоќа ја победи Данска со 2-1 на гостински терен и го забележа четвртиот последователен триумф во Лигата на Нации . На овој начин, актуелниот победник си го загарантира првото место во групата, без разлика на исходот од мечот со Швајцарија во последното коло.
„Среќни сме што имаме толку млад и талентиран тим. Имаме по четири квалитетни играчи на секоја позиција. Тоа ни дава мир и чувство на спокојство. Способни сме да реагираме во тешки ситуации, како што беше случајот денес. Момците се навикнати да победуваат, но сепак се и амбициозни“, прокоментира селекторот на Шпанија, Луис де ла Фуенте па додаде.
„Оние кои добија шанса против Данска дадоа се, иако не беше лесно да се контролира играта. Сакам да го истакнам фактот дека се соочивме со противник кој не стави под голем притисок. Игравме добро и можевме да победиме со 3:0, но во последните минути малку потфрливме“, додаде искусниот стратег.
