Фудбалерите на Уругвај ја совладаа селекцијата на Колумбија со резултат 3:2, додека Перу и Чиле ремизираа 0:0 во 11. коло од квалификациите за СП 2026 година.
Херој на Уругвај беше Мануел Угарте, кој го постигна победничкиот гол во 11. минута од судиското надополнување, а претходно Гомез израмни на 2:2 во 96. минута.
Колумбија поведе во 31. минута кога Кинтеро од слободен удар од левата страна го изненади голманот Роќет и го погоди првиот корнер за 0:1.
Уругвај успеа да направи пресврт во следните три минути. Санчез си постигна автогол во 57. минута, по центаршут од левото крило. Овој гол неодоливо потсетува на автоголот на Андреас Ескобар од 1994 година, кога стоперот на Колумбија во поразот од САД на идентичен начин ја погоди сопствената мрежа, а тој потег го чинеше живот по враќањето во татковината, што е еден од најтажните настани во историјата на фудбалот.
Три минути подоцна Агире по убав потег од левата страна погоди од околу 12 метри за 2:1. Но, потоа имаше трилер завршница, Колумбија успеа да израмни во судиското надополнување. Сепак, тоа не беше крајот, Уругвај тргна од центарот на се или ништо, брзаше да ја исфрли топката пред голот, а потоа Угарте налета и погоди за 3:2 и голема прослава на трибините.
На вториот вечерашен натпревар Перу и Чиле одиграа без голови – 0:0.
По завршеното 11. коло, Аргентина е лидер со 22 бода, Уругвај и Колумбија имаат по 19, Бразил 17…
