Како ретко кога прес конференцијата на селекторот на Македонија, Благоја Милевски траеше повеќе од половина час. Јавноста ја интересираа многу нешта, а едно од прашањата се однесуваше на статусот на Стефан Ристовски. Капитенот на Динамо Загреб и сега веќе екс капитенот на Македонија јавно кажа дека нема да настапува за националниот тим додека селектор е Благоја Милевски.
„Сите знаеме чива е одлуката на Стефан Ристовски да не игра за репрезентација. Ристовски го почитувам максимално, се околу него. И неговата кариера и како личност. Неговата одлука беше таа и мора да се почитува. Толку. Прашањето дали ќе игра за Македонија не треба да биде наменето за мене“, рече селекторот.
