Андреј Јакимовски одлично ја почна новата сезона во НЦАА лигата. Со екипата на Колорадо, Јакимовски славеше над Универзитетот Харвард со 88:66 во меч во кој успеа да постигна 20 поени.
Дури 15 поени Јакимовски постигна во првото полувреме од мечот, а до бројката од 20 поени дојде за околу 27 минути минати на паркетот. Покрај тоа, тој мечот го заврши и со 5 скока, една асистенција и една украдена топка.
За Колорадо ова беше четврта победа во исто толку одиграни меча од почетокот на сезоната.
