Во моментов официјално најдобриот фудбалер на светот, и освојувачот на Златната топка, Родри, даде одговор на прашањето кој е според него подобар фудбалер, Меси или Кристијано Роналдо. Со оглед на фактот што Родри има играно годиниве против двајцата и тоа како е компетентен да го даде своето мислење.
Па така, шпанецот не само што децидно го избра Меси, туку и го опиша како најголемиот фудбалер во историјата.
„Без сомнение, Лионел Меси е најдобриот играч на сите времиња. Кристијано успеа да му парира без да има таков вроден талент. Но, оние од нас кои игравме против нив, можеме да ја видиме разликата. Не сакавме Кристијано да влезе во шеснаесетникот бидејќи таму беше смртоносен. Но, со Меси, опасноста беше насекаде на теренот. Кога Меси ќе ја прими топката, веднаш помислувате „Опасност!“. Првиот пат кога играв против него се обидов да му ја одземам топката, но тој ме избегнуваше како бик во арената. Имав чувство дека нешто лошо ќе се случи“, изјави Родри.
Со ова се долева „уште повеќе оган“ на вечната битка околу ова прашање. Меси или Роналдо е прашањето околу кое ќе се разговара до дека постои фудбалот особено помеѓу оние кои ја имаа привилегијата да ги гледаат овие двајца во зенитот на кариерите.
