Изненадување или сензација вечерва во Арената во Белград? Партизан го доби “вечното дерби“ и тоа како гостин и тоа со 77:89.
Ретко кој очекуваше ваков исход ако се знае дека во изминатите 10 коло во Евролигата момците на Жељко Обрадовиќ имаа катастрофален скор од 2-8. Ц. Звезда беше фаворит, беше во форма, но кога играат овие две екипи, вечерва во меч од 11.коло во Евролигата, ништо однапред не се знае. Па така и вечерва.
Партизан ја одигра својата најдобара партија оваа сезона за еуфорија на оние 1.000 свои фанови во Арената кои водеа “битка“ против 20.000 фанови на “црвено – белите“.
Дали ова фантастично издание ќе значи и пресврт во игрите и резултатите на “црно – белите“.
На останатите мечеви од ова коло Монако славеше против Асвел со 103:92, Олимпијакос ја декласира Басконија со 92:69.
