Македонскиот одбојкарски репрезентативец Лука Костиќ е нов одбојкар на Босна од Сараево. Младиот макеоднски репрезентативец кој цело лето мака мачеше со една незгодна повреда, замина од шампионатот на Србија каде минатата сеозна ги бранеше боите на Рибница и ја прифати понудата на составот од босанската престолнина.
„Тука сум веќе извесно време. Минатиов викенд го одиграв и првиот натпревар за Босна. Станува збор за амбициозен состав кој за цел го има најпрвин пласманот во плеј-офот, а потоа и атак на титулата. На почеток на сезоната имаа само две победи, но со моето доаѓање се надевам дека ќе стигнат и победите. На првиот меч со Радник Бјелина бев најдобар поентер со 13 поени од напад е еден ас и 85% позитивен прием“, вели Костиќ.
Костиќ потпиша договор со Босна до крајот на сезоната. Тој е само еден од двајцата интернационалци во тимот, кој засега е на 7. место на табелата.
