Голема, огромна чест приредена за македонскиот репрезентативед Давид Бабунски од страна на Премиерлигашкиот гигант, Манчестер Сити. Во рамките од тековното коло во Премиер лигата, Сити го пречекува Тотенхем денеска од 18:30 часот, а како специјален гостин на клубот е поканет ни помалку ни повеќе туку Давид Бабунски.
Причината е фактот што Бабунски во досегашната кариера има соработувано со двајцата менаџери. И на Сити и на Тотенхем.
Со Пеп Гвардиола беше заедно во Барселона на стартот на неговата кариера, а со Енџи Постетоглу во периодот кога беше дел од јапонската Јокохама.
„Вистинска привилегија и задоволство е да се биде тука. На покана на медиа тимот на Сити, направив едно мини интервју во кое се осврнав на периодот го минав во Барселона под водство на Пеп Гвадиола како и во Јокохама под водство на Постетоглу. Начинот на тренинзи, нивната фудбалска филозофија, како и она што го научив од нив беше тема на разговорот“ – ни изјави Бабунски за Спортспорт.
Ова не се случува секојден, да еден македонски репрезентативец, кој патем во моментов е член на тимот на Данди јунајтед, да биде гостин на еден од најголемите клубови во светот во моментов и многукратен шампион во Премиер лигата периодов.
David Babunski sabe lo que es compartir vestuario con Pep Guardiola y Ange Postecoglou.
Hablamos con el actual jugador del Dundee United 🏴
La entrevista completa con @davidbabunski 👇 pic.twitter.com/JGBnECZvWh
— Manchester City (@ManCityES) November 22, 2024
