Еврен Турхан, некогашен фудбалер на Галатасарај се чини дека е новиот газда или сопственик на Беласица, на еден од нашите најпознати фудбалски брендови.
Како што велат нашите информации, делегација од Турција, на чело со Турхан денеска е во Струмица, преговорите вродиле со плод, потпишан е и договорот.
Секако дека ова е добра вест за сите фанови на Беласица, кој веќе со години наназад никако не успева да се врати во нашата фудбалска елита.
Инаку како што дознаваме, претходно Турците се интересирале и за Тиквеш, па дури и за Шкендија за тоа како би можеле да остварат соработка или пак да бидат спонзори, сепак на крајот се одлучиле за Беласица.
