Макс Верстапен во Лас Вегас, на две трки до крајот успеа да ја обезбеди својата четврта титула светски првак во Формула 1. На Холанѓанецот му беше доволно и петтото место на оваа спектакуларна трка во која победи Џорџ Расел на Мерцедес.
Откако ја мина целта како петти, почна славјето во таборот на Ред Бул и секако Макс имаше што да каже како први импресии:
“Ова беше долга сезона. Имавме неверојатен старт, но потоа дојдоа тешки моменти за сите нас во Ред Бул.Сепак како тим останавме заедно, работевме напорно за да стигнеме до овој успех. Јас сум горд на сите што го направија за мене. Искрено да кажам дека никогаш не сум помислувал дека можам да бидам четирикратен светски првак во Формула 1, не мислев дека тоа е возможно“ посочи Верстапен.
