Фудбалерите на Реал (М) потсетија на најдобрите денови од почетокот на сезоната и со убедливи 3:0 славеа на гостувањето кај Леганес во меч од 14. коло на шпанската Ла Лига. Кризата која го зафати тимот на Анчелоти, како полека да ги напушта, па вечерашниот триумф во голема мера ќе ја подобри и атмосферата во соблекувалната.
Реал до победата дојде со головите на Мбапе во 43. минута (полувреме 0:1), по што во вториот дел следуваа уште два гола за потврда на триумфот. Најпрво Валверде постигна гол во 66. минута за 0:2, а конечните 0:3 ги постави Џуд Белингем со гол во 85. минута.
За Реал ова беше четврта победа во последните пет меча во ла Лига.
