Сопствениците на Формула 1 официјално објавија дека постигнале договор со Џенерал Моторс (ГМ) и Кадилак за создавање на 11-ти тим кој ќе влезе во шампионатот во 2026 година.
Оваа вест доаѓа неколку месеци откако Формула 1 ја одби понудата на Андрети за место во шампионатот. По промените кои настанаа во организацијата на Мајкл Андрети, кои вклучуваат негово пензионирање и зголемено присуство на ГМ од Формула 1, тие се согласија да примат нов тим.
Првично, новиот тим ќе користи мотор за клиенти, а во подоцнежна фаза ќе стане целосно фабрички тим. Сè уште не е јасно чии погонски агрегати ќе користи, но најверојатно ќе биде партнер или со Ферари или со Хонда, кои според прописите ќе бидат обврзани да го снабдуваат тимот како производители со најмалку клиенти. Во 2026 година, освен својот тим, Ферари ќе испорачува мотори и за Хаас, додека Хонда ќе биде снабдувач само на Астон Мартин.
„Посветеноста на Џенерал Моторс и Кадилак на овој проект и важна и позитивна демонстрација на еволуцијата на нашиот спорт. Едвај чекаме да го видиме развојот на овој проект и сигурни сме дека ќе ја добие целосната поддршка од сите страни“, изјави извршниот директор на Формула 1, Стефано Доменикали.
