Силекс не застанува. Силекс урива се пред себе. Така и попладнево на свој терен кратовци со ефектни 4:1 ја победија Воска и со тоа се искачија на врвот на табелата, сега се лидери со оглед на тоа дека имаа подобра гол – разлика од Шкендија и Гостивар.
Секако дека по мечот стратегот на кратовци, Александар Васоски за “СпортСпорт“ не го криеше своето задоволство:
„Убаво е да си лидер. Ете, конечно и Силекс да биде прв на табелата. Секако дека сум среќен зошто навистина и денеска одигравме квалитетно, максимално ангажирано и на гол повеќе. Горд сум на овие момци. Есенска титула? Ќе видиме, тука сме, остануваат уште два тешки меча. Најважно е да победуваме, другото ќе си дојде само по себе“ посочи стратегот на Силекс.
