Екипата на Ливерпул на најдобар можен начин покажа дека дефинтиивно е еден од фаворитите за освојување на Лигата на Шампионите сезонава. „Редси“ на својот легендарен Енфилд предмалку со конечни 2:0 го совладаа големиот Реал Мадрид и на тој начин заседнаа на првото место на табелата од ЛШ со 15 бода.
Битката која траеше стотина минута на Енфилд имаше неколку секвенци вредни за споменување. Во 52 минута Мек Алистер му донесе водство на домаќинот од 1:0, за да потоа Реал ја има шансата на мечот да израмни. Килиан Мбапе изведе урад од белата точка но голманот на Ливерпул, Келехер, со екстра парада го брани пеналот.
Следува нов заплет во 70. минута, кога Менди го фаулираше Салах во шеснаесетникот, досуден нов пенал, а еѓипќанецот го изведе сам. Го промаши целиот гол, па Реал сеуште беше во игра.
Сепак, дилемите околу победникот ги реши Коди Гакпо во 77. минута со гол постигнувајќи ги конечните 2:0.
Стефан Ристовски со неговиот Динамо Загреб имаше задача да направи сензација против Борусија Дортмунд но тоа не се случи. Среде Загреб германците победија со 0:3 во меч во кој тотално издомоинираа.
Резултати:
Астон Вила – Јувентус 0:0
Болоња – Лил 1:2
Селтик – Клуб Бриж 1:1
Динамо – Борусија Дортмунд 0:3
Ливерпул – Реал Мадрид 2:0
Монако – Бенфика 2:3
ПСВ – Шахтјор 3:2
