Вечерва се играат уште девет натпревари од 5.коло во Лигата на Шампионите. Се разбира дека сите погледи ќе бидат свртени кон “Енфилд“ каде фантастичниот Ливерпул оваа сезона, со Арне Слот на клупата, го дочекува Реал Мадрид. Ова е реприза на двете финалиња во ЛШ од 2018 и 2022 кога победуваа “кралевите“. Ова ќе биде спектакл, ова ќе биде нешто фантастично и поради фактот дека се игра на култниот “Енфилд“, ова ќе биде шанса за одмазда на “Редси“. Со евентуална победа Ливерпул ќе има максимални пет од пет во ЛШ. Сепак и покрај фактот дека “Редси“ се во супер форма, кој може да помисли дека ќе биде лесно против “кралевите“? Сепак тоа е Реал Мадрид.
Вечерва на големата сцена ќе ги видиме и нашите интернациионалци Стефан Ристовски и Бојан Миовски. Стефан во дресот на Динамо Загреб на “Максимир“ ја дочекува Борусија Дортмунд, додека Бојан Миовски со својата Џирона ќе му гостува на Штурм. Ете шанса Супер – Бојан со гол(ови) да потврди дека тоа саботно фантастично издание не било случајно.
Штета што Аријан Адеми е повреден па не може да биде во составот на Динамо Загреб против германскиот гигант.
Да потсетиме дека вчера за Лајпциг на гостувањето кај Интер не настапи Елиф Елмас поради повреда.
Ова се двојките за вечерва:
