Десеттата рунда од домашното одбојкарско првенство во машка конкуренција не донесе посебни возбудувања. Фаворитите се чини не се намачија воопшто за да дојдат до трите бода и да останат на позициите на табелата на кои беа и пред ова коло.
Еден од фаворитите за највисок пласман, Штип УГД се прошета на дуелот со Скопје, а лесни победи остварија и Борец и Шкендија. Тетовското дерби му припадна на Универзитет во Тетово.
Кај дамите за малку ќе видевме изненадување. Младост УГД одигра одличен меч против шампионот Работнички, но загуби минимално со 2:3. Пред своите гледаши штипјанки, сепак, успеаја да освојат еден бод против силниот противник.
Победничката низа ја продолжија одбојкарките на Наковски Волеј, а на победите им се врати и Фит Фан Волеј, кој со максимални 3:0 ја победи Струмица.
ПРВА ЛИГА – МАЖИ / 10. КОЛО
Лирија – Универзитет во Тетово 0:3 (13:25, 24:26, 21:25)
Шкендија – Јанта волеј 3:0 (25:12, 25:15, 25:12)
Сушево – Струмица ОДЛОЖЕНА
Македонија Џио – Вардар 1947 0:3 (19:25, 19:25, 16:25)
Штип УГД – Скопје 3:0 (25:8, 25:11, 25:7)
Весна Пробиштип – ГОК Борец 0:3 (23:25, 15:25, 14:25)
ТАБЕЛА: 1. Струмица (24), 2. Штип УГД (24), 3. ГОК Борец (23), 4. Шкендија (22), 5. Работнички 71&22 (17), 6. Универзитет во Тетово (15), 7. Лирија (13), 8. Вардар 1947 (13), 9. Скопје (8), 10. Македонија Џио (6), 11. Сушево (5), 12. Весна Пробиштип (4), 13. Јанта Волеј (0).
ПРВА ЛИГА – ЖЕНИ / 10. КОЛО
Ускана – Наковски волеј 0:3 (19:25, 15:25, 14:25)
Вардар ЕМ – Јанта волеј КВ (02.12.2024)
Младост УГД – Работнички 2:3 (26:24, 25:17, 22:25, 16:25, 13:15)
Фит фан волеј – Струмица 3:0 (25:23, 25:18, 25:17)
TАБЕЛА: 1. Јанта волеј (26), 2. Наковски Волеј (26), 3. Работнички (25), 4. Фит Фан Волеј (14), 5. Младост УГД (10), 6. Вардар ЕМ (8), 7. Струмица (6), 8. Ускана Волеј (2).
