Вечерва во терминот од 18 часот се одиграа три средби од групната фаза од ЕП 2024 за жени.
Во групата Ф, селекцијата на Холандија го победи Исланд со 27:25 и со тоа дојде до првата победа во својот прв меч на ова првенство. На полувреме беше израмнето, 12:12, но затоа во вториот дел Холанѓанките беа подобри и заслужено победија.
Романија иако губеше на полувреме од Чешка со 11:13, сепак на крајот успеа да дојде до победа и тоа минимална од 29:28. Ова беше меч од групата Б, во која се и селекциите на Србија и Црна Гора.
И во третиот меч женската селекција на Швајцарија дојде до победата против Ф. Острови со 28:25 во меч од групата Д. Швајцарија имаше голема предност по првото полувреме со резултат 13:7, следуваше подобра игра на противничките ракометарки, но недоволно за да се избегне поразот.
