Вечерва се одиграа уште три меча од групната фаза од ЕП 2024 во ракомет за жени.
Во соседското дерби, ракометарките на Црна Гора просто ја декласираа Србија со 24:18, можеби не толку резултатски колку играчки. Во текот на целиот меч Црногорките доминираа и заслужено славеа во групата Б.
Данска без никакви проблеми овој шампионат го започна со убедлив триумф и тоа против ракометарките на Хрватска, На крајот резултатот гласеше 34:26 во меч од групата Д.
И во последниот меч од терминот од 20.30 часот, селекцијата на Германија со повеќе од убедливи 30:17 ја победи Украина и едноставно покажа сила на оваа средба.
