Кошаркарите на Вашингтон Визардс успеаја да го завршат месецот без ниту една победа. Тимот предводен од Брајан Киф од клупата го претрпе 14-от последователен пораз во 14 настапи во ноември, овој пат беше совладан од Милвоки Бакс, кој на домашен терен победи со 124:114.
Визардс имаа само тесна прва четвртина (29:28), додека Бакс ги добија сите три преостанати четвртини. Дуелот беше изедначен до пет минути пред крајот, кога беше 105:103 за Милвоки пред нивната серија од 10:0.
Во победничките редови незапирлив беше Јанис Адетокумбо со 42 поени, 12 скока и 11 асистенции, додека Демијан Лилард постигна 25 поени со 10 асистенции. Кај поразените се истакнаа Џордан Пул со 31 поен и Малколм Брогдон со 29 поени и 11 скока.
Во НБА лигата се случувало 16 пати во историјата еден тим да помине без победа цел месец, а Визардс го направија тоа двапати во последните 10 месеци. Истото го направија и во февруари годинава.
На останатите средби, Атланта славеше кај Шарлот со 104-107, Детроит беше совладан на домашен терен од Филаделфија со 96-111, Феникс беше подобар од Голден Стејт со 113-105, Јута пред своите навивачи беше поразена од Далас со 94-106.
