Веќе нема дилема кога се во прашање учесниците на Светското клупско првенство кое во 2025 година ќе се одржи во Соединетите Американски Држави, а ќе се игра од 15 јуни до 13 јули.
За освежување на материјалот, од Азија доаѓаат Ал Хилал, Урава, Ал Аин и Улсан, од Африка четири екипи и тоа Ал Ахли, Видад, Есперансе од Тунис и Мамелоди, додека од КОНКАКАФ зоната доаѓаат Монтереј, Сиетл, Леон и Пачука. .
Јужна Америка има шест претставници, и тоа четири бразилски екипи (Палмеирас, Фламенго, Флуминенсе и победникот на Копа Либертадорес 2024, Ботафого), додека Аргентина има два тима (Ривер и Бока).
Океанија даде еден учесник, тоа е Окленд, а Европа даде најмногу учесници, дури 12.
Тие се: Челзи, Реал Мадрид, Манчестер Сити, Баерн, ПСЖ, Интер, Порто, Бенфика, Борусија, Јувентус, Атлетико и Салзбург.
Домаќинот кој доби специјална покана е Интер Мајами.
Ждрепката е на 5 декември.
